Category Archives: სხვადასხვა

რატომ უნდა გავფრინდეთ რუმინეთში?

ჩემი საყვარელი ქალაქი კლუჟ-ნაპოკაა მაინც…😊

Mood Theory

3 – 10 თებერვალს თბილისსა და ბუქარესტს შორის პირველი პირდაპირი, ჩარტერული ფრენებია დაინიშნა. ქართული და ტურისტული სააგენტოების ერთობლივი მუშაობის შედეგად, 385 ევროდ შემდეგი პაკეტის ყიდვაა შესაძლებელი, რომლის საფასურშიც სასტუმრო, თვითმფრინავის ბილეთი და ტურები შედის:

  1. 5 დღე ბუქარესტში (სადაც მეც გავწევ ქალაქის გიდობას)
  2. 2 დღე ბრანში (დრაკულას სასახლის ტური)
  3. თვითმფრინავის ბილეთები

შემოთავაზებაზე მეტი ინფორმაციის მისაღებად, დააჭირეთ აქ

3 თებერვალს მეც მივდივარ და წინასწარ ძალიან მიხარია. უკვე ოთხი თვეა არ ჩავსულვარ. გინდათ იცოდეთ, რატომ უნდა გამოფრინდეთ ჩემთან ერთად რუმინეთში?

ჩემს პოსტში ვეცდები მოგაწოდოთ ინფორმაცია რუმინეთის შესახებ და თავად გადაწყვიტეთ ღირს თუ არა ამ შესაძლებლობით სარგებლობა.

ქართულის მსგავსი და მაინც განსხვავებული კულტურა

რუმინეთში სამი წელი ვიცხოვრე და უამრავი კარგი მოგონება დამრჩა. საინტერესო ტემპერამენტის ხალხია, თან სამხრეთულ-ბალკანური ხასიათი ჭარბობს და თან კონფლიქტურები არ არიან. ეს როგორ? არც მე ვიცი, როგორ, მაგრამ ფაქტია, რომ სამი წლის მანძილზე ქუჩაში მარტო ერთი ჩხუბი მაქვს ნანახი და ისიც უბრალო შელაპარაკება და არა ე.წ. „გაწევ-გამოწევა“, რომელსაც ჩემს „მშობლიურ“ დოლიძის…

View original post 573 more words

Advertisements

დატოვე კომენტარი

Filed under Uncategorized

ოკუპანტური მითები დოროთე დბარისა და მსოფლიო პატრიარქის კავშირებზე

25659229_2023520691193804_3266882552621224307_n

ახლა ამ ბლოგს კი არა ლუვრში რა ხდება, ორსეის მუზეუმში რა შეიცვალა, ეიფელზე რამდენადაა გამკაცრებული კონტროლი და.ა.შ. უნდა ვწერდე, მაგრამ მსოფლიო პატრიარქის მიერ უნეტარეს ილიასადმი იუბილეს მილოცვას ისეთი მარაზმული და აბსურდული გამოხმაურებები მოყვა, რომ იძულებული ვარ რაღაც ვთქვა. მოკლედ, კონსტანტინოპოლის მთავარეპისკოპოსი ჩვენს უწმინდესს იხსენიებს როგორც- „უნეტარესო და უწმინდესო, მცხეთა-თბილისის მთავარეპისკოპოსო და სრულიად საქართველოს კათოლიკოს-პატრიარქო და ბიჭვინთისა და ცხუმ აფხაზეთის მიტროპოლიტო. ქრისტე ღმერთში ფრიად საყვარელო და სასურველო ძმაო.

 ხოლო რუსეთის პატრიარქი კირილე კი-“მის უწმინდესობას და უნეტარესობას, სრულიად საქართველოს კათოლიკოს პატრიარქს, ილია მეორეს”, ამ ყველაფერს კი უბრალოდ მადლობის ნაცვლად სრული ისტერიკა მოყვა სოც. ქსელებში, იმიტომ რომ თურმე ბართლომეოსი ეხმარება დოროთე დბარს და თავად უწყობს ხელს მის სეპარატისტულ მოსაზრებებს. რეალურად კი დოროთე დბარიც ისეთივე რუსული პროექტია, როგორც ბესარიონ აპლია, ამ დოროთეს ბწყინვალედ იყენებს ჩრდილოეთის მეხუთე კოლონა და იდეოლოგიური მანქანა საქართველოში, რადგან მშვენივრად მოეხსენება ჩვენი გულუბრყვილობა, რადგან მხოლოდ საქართველოში შეიძლება არსებობდეს ადამიანი, რომელსაც ჯერა, რომ რუსეთის მიერ ოკუპირებულ აფხაზეთში შეიძლება არსებობდეს ძალა, რომელიც მოქმედებს რუსეთის სახელმწიფოს ინტერესების საწინააღმდეგოდ და არა უბრალოდ არსებობს, არამედ საკმაოდ სეროზული გავლენები აქვს. დოროთე დბარის პიროვნებით ოკუპანტური იდეოლოგიის მანქანა მარტივად ,,გვარწმუნებს’’, რომ მართალია თავად მოახდინა აფხაზეთის ოკუპაცია, მაგრამ დღევანდელ იქაურ სიტუაციაში კონსტანტინოპოლის საპატრიარქოც დამნაშავეა და უბრალოდ დამნაშავე კი არა, მიზანმიმართულად ,,გვართმევს ქართველობას.’’

       კითხვა- ვინაა დოროთე დბარი? ამ კითხვას მოკლე პასუხიც აქვს, მაგრამ ბილწსიტყვაობა არ მჩვევია, ამიტომ გრძლად ვიტყვი. მოკლედ, ეს აფსუა ნაძირალა 1993-2001 წლებში სწავლობდა მოსკოვის სასულიერო სემინარიასა და აკადემიაში, 2001 წელს ბესარიონ აპლიას რეკომენდაციით, მაიკოპისა და ადიღეის (ჩრდ. კავკასია) ეპისკოპოსმა პანტელეიმონმა აღკვეცა ბერად, ამავე წლის 29 აგვისტოს იეროდიაკვნად დაასხა ხელი, 9 სექტემბერს კი მღვდლად. დბარმა 2007 წლიდან ოკუპანტების რეკომენდაციით თესალონიკში (საბერძნეთი) გააგრძელა სწავლა, ხოლო 2011 წელს, ისევე ოკუპანტების რეკომენდაციით გუმენისის მიტროპოლიტმა დიმიტრიმ (საბერძნეთი), უბოძა არქიმანდრიტობა.

 კითხვა-  რა შუაშია მსოფლიო საპატრიარქო? რა თქმა უნდა არაფერში, უბრალოდ ჩვენთან ბევრს კონსტანტინოპოლის მსოფლიო საპატრიარქო და საბერძნეთის სამთავარეპისკოპოსო ერთი და იგივე ინსტიტუტი ჰგონიათ, რასაც მშენივრად იყენებს ჩრდილოული რეჟიმი. არადა ყველაფერი მარტივია- მაგ: მსოფლიოს ამჟამინდელი პატრიარქი ბართლომეოსი დაიბადა თურქეთში, არის თურქეთის მოქალაქე, მსახურობდა თურქულ ჯარში, ისტორიულ კონსტანტინოპოლში მცხოვრები ბერძნულენოვანი ხალხი ტრადიციულად და ახლაც საკუთარ თავს არ უწოდებენ ბერძნებს, არამედ ,,ახალ რომს’’ (ბიზანტია ძალიან გვიანი ტერმინია), კონსტანტინოპოლის საპატრიარქოს მიმართულებასთან ბევრად უფრო ახლოს რუმინეთის ეკლესია დგას, ვიდრე საბერძნეთის, მაშინ როდესაც ათონის წმინდა მთაზე მყოფი ბერები ზარ-ზეიმით ეგებებიან მტარვალ პუტინს, დასანახად ვერ იტანენ პატრიარქ ბართლომეოსს, საბერძნეთის ეკლესიის პირველიერარქია ათენის მთავარეპისკოპოსი იერონიმე, კონსტანტინოპოლისა კი ყოვლადუწმინდესი ბართლომეოსი და.ა.შ. უსასრულოდ.

            როდესაც ამ ყველაფერს ადამიანს აუხსნით, წესით უნდა გაიაზროს მოცემულობა, მაგრამ ისმის ახალი კითხვა- რატომ ან როგორ მიიღო ბართლომეოსმა დოროთე დბარი? ამ კითხვაში ლოგიკის მარცვალი ნამდვილადაა, რადგან ჩვენთვის (უბრალო მოკვდავთათვის) პატრიარქთან აუდიენცია ნამეტანი საოცნებო თემაა, იქამდე მისაღწევად საჭიროა ზურგს გიმაგრებდეს რამდენიმე ,,წონიანი ადამიანი’’, წარმატებით განვლო ,,რამდენიმე საზვერე და შლაგბაუმი’’, შეუსვენებლად გაირბინო ჩინეთის კედელი, ოკეანიდან ცალი ხელით ამოიყვანო ჩაძირული ტიტანიკი და.ა.შ. მაგრამ ეს სიტუაცია უცხოა ფანარისთვის (მსოფლიო საპატრიარქო), გეტყვით პირად მაგალითს, რომელიც ზუსტად 1 წლის წინ გადამხდა. საშობაო არდადეგებზე სტამბულის გავლით საქართველოში დაბრუნება გადავწყვიტე, მსურდა პირადად პირველად დავსწრებოდი მსოფლიო პატრიარქის მსახურებას. საშობაო ლიტურგია ფანარში ყოვლადუწმინდესმა მთავარეპისკოპოსმა აღავლინა, მსახურების დასრულების შემდეგ ყველა მლოცველს ტრადიციულად თავადვე გადასცემდა სეფისკვერებს, მეც მივედი და პირდაპირ ვუთხარი ინგლისურად-

-Bless me your all holiness, I want to meet you.

-God Bless. Who are you?

-I am Georgian student.

-Ok.

ეს რამდენიმე ხაზი საკმარისი გამოდგა, რომ შობა დღეს მსოფლიო პატრიარქს გამოენახა ნახევარი საათი და წირვის შემდეგ ცალკე გამსაუბრებოდა. არასოდეს დამავიწყდება მისი რჩევა- ,,You have to study a lot, for your church and country. Everyday I pray for  healthy of your patriarch. I respect him so much.’’ (შენ ბევრი უნდა ისწავლო საკუთარი ეკლესიისა და ქვეყნის საკეთილდღეოდ. მე ყოველდღე ვლოცულობ თქვენი პატრრქის ჯანმრთელობისთვის, მას დიდ პატვს ვცემ).

ასეთი მარტივია მსოფლიო პატრიარქთან შეხვედრა. მეტსაც გეტყვით, არსებობს სპეციალური დავთარი, რომელშიც თითოეული ოფიციალური შეხვედრა აღინუსხება, ,,გაგახარებთ’’ და გეტყვით, რომ კონსტანტინოპოლის ამჟამინდელი მწყემსმთავარი სხვადასხვა დროსა და სიტუაციებში შეხვედრია ამერიკის ყველა პრეზიდენტს, ფიდელ კასტროს, მუამარ კადაფს, წმინდა პაისი ათონელს და.ა.შ. უსასრულოდ. ეს ჩამონათვალი ,,ჭრელია’’, ლოგიკა კი მარტივი, ფანარში ფიქრობენ, რომ უნდა მიიღონ მაქსიმალურად ყველა, ვისაც სურს, რომ პატრიარქს შეხვდეს, იმისდა განურჩევლად ისინი წმინდანები არიან თუ დამნაშავეები, კეთილები თუ ისეთი ნაგავი სეპარატისტები, როგორებიც დბარი, აპლია და მისთანები არიან. ჩვენ რა თქმა უნდ აუფლება გვაქვს მსოფლიო საპატრიარქოს ეს მიდგომა არ მოგვწონდეს, მაგრამ ნამეტანიც ნუ მოგვივა.

            როდესაც ,,ანტიფანარისტებს’’ ამასაც აუხსნი, უკვე ახალი პრობლემა იჩენს თავს- ,,მაშინ გამოვიდეს პატრიარქი და დაგმოს დბარი…თავი გაიმართლოს და თქვას რომ…’’- ანუ მსოფლიო პატრიარქს ,,დაგმე მიშა-ს’’ ტონალობაში მოვუწოდებთ რაღაცას. არადა პასუხი აქაც მარტივია, კონსტანტინოპოლის მთავარეპისკოპოსი არავის გმობს და არც თავს იმართლებს, უფრო მეტიც- თავს არ იმართლებს არათუ ვიღაც აფსუა სეპარატისტთან დაკავშირებით, არამედ პირეის მიტროპოლიტ სერაფიმეს, საბერძნეთის ეკლესიის სხვა მაღალიერარქების და ათონის წმინდა მთის ბერების წინაშეც, რომლებიც ათასგვარ სისულელეს და უმსგავსობას აბრალებენ. ვიმეორებ, უფლება გვაქვს ფანარის არც ეს მიდგომა მოგვწონდეს, მაგრამ ,,სინდისიც კარგი საქონელია.’’

            ამ ყველაფრის გაანალიზების შემდეგ ახალი და ყველაზე უფრო სეროზული პრობლემა იჩენს თავს- რას ვაკეთებთ ჩვენ? პირდაპირ ვიტყვი, რომ ვიტყუებით. საკითხავი ისაა ჩვენიანებს ვატყუებთ, საკუთარ თავს, თუ ორივეს ერთად. მაგ: ტყუილი ილუზიაა, რომ რუსეთ-საქართველოს ეკლესიები შევქმნით კომისიას, რომელიც აფხაზურ ტაძრებს დაგვიბრუნებს. ეს ყოველივე ისეთი სიცრუეა, როგორც საქართველოსთვის აფხაზეთის დაბრუნება თუ უარს ვიტყვით ევრო-ატლანტიკურ ინტეგრაციაზე. მშვენივრად ვიცით, რომ რუსეთი არაფერს დაგვიბრუნებს და რაც დაგვრჩა იმასაც გვართმევს. რამდენმე ხნის წინ, როდესაც ,,გადაწყდა’’ ქართულ-რუსული კომისიის შექმნა ამ საკითხზე და ბევრმა ლამის ,,ქართული დროშა დაარჭო’’ სოხუმში, მაშინვე დავწერე ტყუილი ილუზიაა და თავს ვიტყუებთ მეთქი, ალბათ ილუზიაც არც ქვია აფხაზეთის დაბრუნებაზე ესაუბრო რუსს, რომელმაც ეს აფხაზეთი წაგართვა, დაგბომბა, ლტოლვილები გამოგიყარა და დღეს გეუბნება, რომ ეს სხვა ხალხია და ისინი არასოდეს გახდებიან საქართველოს ნაწილი. კომისიის შექმნა ჩვენთვის გადაიქცა საკითხის ,,ჩაყვინთვის’’ მოსახერხებელ საშუალებად. ბოლო წლებში ,,ათობით’’ ასეთი კომისია შევქმენით, რომელსაც არცერთი კონკრეტული პასუხი, დასკვნა ან შედეგი არ დაუდია. თუ ვცდები თქვენ მითხარით ამ ქართულ-რუსულმა კომისიამ კონკრეტულად რა დასკვნა დადო, ან საერთოდ კონკრეტულად რას ითხოვდა რუსეთისგან.

            არაფერს ვაკეთებთ გასაგებია, მაგრამ უფრო მეტიც, რაღაც სისულელეებს ვაბრალებთ ადამიანს, რომელიც სადაც შესაძლებელია ყველგნ აცხადებს, რომ აფხაზეთი საქართველოსს ტერიტორიაა, მისი ტაძრები საქართველოს ეკლესიის კანონიკური საკუთრებაა, ეს ყოველივე კი რუსეთის მიერაა ოკუპირებული. მოგიყვანთ მიმდინარე წლის ,,მცირე მაგალითებს’’-

  • მოფლიო პატრიარქის დაბადების დღე როდესაც თქვა რომ- ,,ამ ულამაზესი ქვეყნის ორი რეგიონიაფხაზეთი და სამაჩაბლო დღეს სამწუხაროდ წართმეული აქვთ, ხალხმა სულ ახლახანს გამოცადა რუსეთის სახელმწიფოსთან ომი.’’
  • სატელევიზიო ინტერვიუ, რომელშიც ამბობს- ,,ეკლესიურად მიგვაჩნია, რომ ეს ადგილები მიეკუთვნება საქართველოს ეკლესიას… როგორც მსოფლიო საპატრიარქომ, გამოვთქვით სურვილი დავხმარებოდით და გაგვეგზავნა ჩვენც ერთი ეპისკოპოსი, არა იმისთვის, რომ დავუფლებოდით ეპარქიას, რომელიც არ გვეკუთვნის, არამედ დავხმარებოდით დროებითი დაბრკოლების მოგვარებაში… მსოფლიო საპატრიარქოში ახლაც შემოდის ინფორმაცია, რომ რუსეთის ეკლესია მისი ერთი ეპისკოპოსის მეშვეობით ახორციელებს მღვდელთა ხელდასხმას, ანუ აკურთხებს სასულიერო პირებს და აგზავნის რეგიონში, რომელიც მას არ ეკუთვნის’’
  • ოფიციალური მიმართვა, სადაც ამბობს- „უნეტარესო და უწმინდესო, მცხეთა-თბილისის მთავარეპისკოპოსო და სრულიად საქართველოს კათოლიკოს-პატრიარქო და ბიჭვინთისა და ცხუმ აფხაზეთის მიტროპოლიტო. ქრისტე ღმერთში ფრიად საყვარელო და სასურველო ძმაო.’’

უბრალოდ ასეთ საკითხზე და ამ სიტუაციაში სხვა რა უნდა გააკეთოს კაცმა ვერ ვხვდები. კრეტის კრების შემდეგ ჩვეთან ისტერიკასავით იყო, რომ რადგან კრებაზე არ წავედით ადგება მსოფლიო საპატრიარქო და აფხხაზეთს ავტოკეფალიას მისცემს. ერთ-ერთ საგაზეთო ინტერვიუში მაშინვე ვთქვი, რომ ეს სისულელეა, მსოფლიო საპატრიარქო და პირადად პატრიარქო ბართლომეოსი, არაა არც ,,მიქაელ კერულარიოსი და არც კარდინალი უმბერტი’’, საეკლესიო საკითხებზე ზემოთ არაეკლესიური რომ დააყენოს. ეს დამოკიდებულება ფანარიდან იგრძნობა მაშინაც კი, როდესაც ვაქტიურობთ კი არა პირიქით, აბსურდული მიზეზებით გამოვედით ეკლესიათა მსოფლიო საბჭოდან, რომელიც ამგვარი საკითხების განსახილველი უმაღლესი ტრიბუნა და გაეროს ‘’საეკლესიო ანალოგია’’, არ წავედით კრეტის კრებაზე, საიდანაც სულ რომ ცემით გამოვეგდეთ ძალით უნდა შეგველეწა კარები და ,,გვეიძულებინა’’ იქ მყოფი იერარქები აფხაზეთის საკითხზე ჩვენთვის მოესმინათ, უნდა დაგვერწმუნებინა ყველა იქ მყოფი, რომ ბესარიონ აპლიაცა და დოროთე დბარიც  ერთნაირი ნაგავი აფსუა სეპარატისტები არიან და მოგვეთხოვა ორივეს დასჯა. მაგრამ…

            ამასაც რომ აუხსნით ,,ანტიფანარისტებს’’, შემდეგ უკვე ,,ქვის გამხეთქავ’’ არგუმენტებს გეტყვიან. თურმე ოფიციალურად ეს ყველაფერი კი ასეა, მაგრამ ,,კულუარული ინფორმაციებით’’ იციან, რომ ფანარიდან ,,ქართველობას გვართმევენ რუსების მსგავსად’’, რაც დაახლოებით ის აზრია, რომ- ,,რუსეთიცა და ამერიკაც ჩვენი მტრები არიან.’’ ამის მთქმელებს თავად რა თქმა უნდა თეოლოგიის აკადემიური განათლება არ აქვთ, მაგრამ ინფორმაციების წყარო აქვთ ,,დაუშრეტელი’’. საიდან? ოოოო, თურმე მსოფლიო საპატრიარქოს დარაჯის მულის დეიდაშვილმა თქვა მეზობლის ბავშვის ნათლობაზე, თურმე მოყვრის ბიძაშვილმა სანტექნიკის რემონტი გააკეთა ფანარში და იქ გაუგია, ან საერთოდ, იმ მალიარს იცნობენ, რომელმაც მსოფლიო პატრიარქის კაბინეტში ათათურქის სურათის ჩარჩო შეღება და იმისგან იცინ ,,ინსაიდური ინფორმაციები.’’- ,,მოდი და ამისთანა ჭკვიანური საბუთი სხვა საბუთით დაურღვიე ჩვენს დარღვეულს ქართველობას.’’

            დიდხანს შეგვიძლია ვისაუბროთ, მაგრამ რეალობა მაინც ისაა, რომ ჩრდილოელმა ოკუპაციის მანქანამ მშვენივრად იცის ჩვენი ყველა სუსტი წერტილი, იცის რომ- ,,ავი და კარგი გარჩევით, ვხედავთ, რომ ახლოს გვიწყვია. გვინდა და სწავლის სიმოკლით ცალ-ცალკე ვერ გაგვიყვია..’’ იცის რომ ჩვენ თაობაში ,,რუსეთის გაპრავება’’ შეუძლებელია, მაგრამ სამაგიეროდ შესაძლებელია ,,დასავლეთის’’ გადამტერება ფანარიანად ან მის გარეშე. მოკლედ, ოკუპანტები თანხმდებიან დავიჯეროთ, რომ რუსეთი ოკუპანტია, თუ იგივეს ვუწოდებთ თურქეთს, ფანარს, ამერიკას და.ა.შ. ვაღიაროთ რომ გამოდით კიდეც.

პარიზი 25.12.2017

გურამ ლურსმანაშვილი

დატოვე კომენტარი

Filed under სხვადასხვა

ეკლესიის შეღავათებისა და სახელმწიფოს მხრიდან მისი დაფინანსების ევროპული მოდელები

images

            ნაკლებად ვერთვები ხოლმე პოლიტიკური პარტიის პროგრამათა განხილვებში, არც ახლა გადავწყვეტდი თავად ეს პარტიები რომ არ შეხებოდნენ ეკლესიის საკითხს. უკვე არაერთი პოლიტიკური პარტიის წინასაარჩევნო ვიდეო რგოლები ვნახე, სადაც პირდაპირ თუ ირიბად საუბარია იმაზე, რომ სახელმწიფო არ უნდა აფინანსებდეს მართლმადიდებელ ეკლესიას და ეს უკანასკნელი არც ფინანსური შეღავათებით უნდა სარგებობდეს. თავისთავად ასეთი განცხადებები ტრაგიკული არაა, შეგვიძლია მივიღოთ ცალკეულ პირთა პირად მოსაზრებებად, ისევე როგორც შეიძლება თვლიდნენ რომ სახელმწიფომ არ უნდა დააფინანსოს ჯარი, პოლიცია, ჯანდაცვა, განათლება და.ა.შ. ტრაგედია ეს ყველაფერი მაშინ ხდება, როდესაც აღნიშნული პარტიები პროდასავლურობაზე და ევროპული ღირებულებების დაცვაზე დებენ თავს. ბევრი რომ არ გავაგრძელო მინდა შემოგთავაზოთ დასავლური ქვეყნების მხრიდან ეკლესიათა დაფინანსების თუ შეღავათების მაგალითები და დანარჩენი მერე გავაგრძელოთ.

            გეტყვით, რომ წინამდებარე თემაში არ შემიტანია ჩემთვის ძალიან საყვარელი აშშ (არაევროპული ქვეყანააო მავანს რომ არ ეთქვა), არც დიდი ბრიტანეთი (ევროპა კია, მაგრამ ევროკავშირიდან გავიდაო), არც საბერძნეთი და რუმინეთი (ეგენი მართლმადიდებელი ქვეყნები არიან და ,,არ გვაწყობსო’’ რომ არ დაეჩივლათ). მოკლედ საუბარს არც მეტი და არც ნაკლები, სკანდინავიით დავიწყებ. ვნახოთ ფინური მოდელი, სადაც რელიგიური გაერთიანებების გარდა, იურიდიული პირები – რომელიც კომპანიებს და ასოციაციებს წარმოადგენენ _ ვალდებული არიან, მონაწილეობა მიიღონ ლუთერანული ან მართლმადიდებელი ეკლესიების დაფინანსებაში  საშემოსავლო გადასახადის მეშვეობით,  რომლის გარკვეული ნაწილი მიმართულია ორი ეკლესიისთვის. არ არსებობს საგადასახადო შეღავათები კომპანიების ან სხვა იურიდიული პირების მიმართ, რომელთა აქციონერები ან წევრები ეკუთვნიან უმცირეს რელიგიებს.   ლუთერანული ეკლესია, მართლმადიდებელი ეკლესია და რელიგიური გაერთიანებები განთავისუფლებულია საშემოსავლო გადასახადისგან. სასაფლაოები კი განთავისუფლებულია უძრავი ქონების გადასახადისგან.

Continue reading

დატოვე კომენტარი

Filed under სხვადასხვა

მსოფლიო პატრიარქის ხალკიზე ვიზიტის დეტალები

1

     ცოტა ხნის წინ ფბ.ზე განვათავსე ხალკის საღვთისმეტყველო კონფერენციაზე ინფორმაცია, მალევე საიტზეც დაიწერა ოფიციალურად, თუმცა ჩემს მესინჯერში მოსული შეტყობინებებიდან გამომდინარე ეს ყველაფერი საკმარისი არ აღმოჩნდა. ბევრი რომ აღარ გავაგრძელო ხალხი (მათ შორის აბსოლუტურად უცნობებიც) ძალიან დაინტერესებულან ამ ღონისძიების მცირე დეტალებით, განსაკუთრებულად ბევრს აინტერესებდა მსოფლიო პატრიარქის ღვთისმსახურების დეტალები და რაოდენ გასაკვირიც არ უნდა აღმოჩნდეს ის, თუ რას მიირთმევს კონსტანტინოპოლის მთავარეპისკოპოსი. მეც გადავწყვიტე მათ ყველა კითხვას ერთობლივად  მოვუყარო თავი და თემის სახით ვუპასუხო, რადგან შეიძლება იგივე საკითხები სხვებსაც აინტერესებდეთ.

      მოკლედ, 1-2 სექტემბერს ამერიკის ყოფილი მთავარეპისკოპოსის მიქაელ კონსტანტინიდისის შესახებ კონფერენცია  გამართა კუნძულ ხალკის საღვთისმეტყველო, ისტორიულ სასწავლებელში, პირველივე დღეს დაახლოებით 15:00-ზე გვეწვია ფანარიდან (მსოფლიო საპატრიარქო) წამოსული სასულიერო იერარქების ჯგუფი. იქიდან გამომდინარე, რომ კუნძულზე მანქანები თითქმის არ მოძრაობენ, პატრიარქი პორტიდან მონასტრამდე (რომელიც მთის წვერზე მდებარეობს) პოლიციის მანქანით ამოვიდა, მის გვერდით იჯდა აშშ-ს მთავარეპისკოპოსი დემეტრეოსი, მანქანას მართავდა პოლიციელი, რომლის გვერდითაც იჯდა პატრიარქის დაცვის ერთადერთი წევრი.

21193010_1494679587264543_8902023886486513223_n

            შემდეგ ფაეტონებით მოვიდნენ ეპისკოპოსები, მათ შორის თეატირისა და დიდი ბრიტანეთის მთავარეპისკოპოსი გრიგორიოსი, ბოსტონის ეპისკოპოსი მეთოდიუსი და სხვანი.

Continue reading

დატოვე კომენტარი

Filed under სხვადასხვა

2008 წლის გმირებისადმი უმადურობა

загружено

იმდენი ვიღაცის პოსტში შევხვდი 2008 წლის ქართველ ბიჭებზე დამცინავ, უპატივცემულო და მოღალატურ საუბარს, რომ სათითაოდ ვეღარ დავაკომენტარებ და ჩემ პოსტში ერთიანად ვიტყვი.

1- აგვისტოს ომის აფხაზეთის ომის ხანგრძლივობასთან შედარება არის აბსოლუტური სისულელე, იმიტომ რომ 2008-ში ვიღაც დაქირავებულ ჩრდილო კავკასიელებს კი არა რუსეთის 58-ე არმიას ვებრძოდით.

2- არ შეიძლება ქართულ ავიაციაზე ისეთი კომენტარების წერა, როგორსაც ვხვდებით, თითქოს არ აფრენილან, არც უმუშავიათ, შეეშინდათ და.ა.შ. ამის დამწერებმა ალბათ არ იციან, რომ 8 აგვისტოს ქართულმა სუ 25-ებმა ჯავასთან რუსული კოლონა დაბომბეს, იგივეს თქმა შეგვიძლია მი 24-ებზე. მოკლედ, სანამ აფრენა შეეძლოთ თავი არ დაუზოგავთ საჰაერო ძალებს, და როდესაც ასაფრენი ბილიკები დაიბომბა საიდან აფრინდებოდნენ შეგიძლიათ გვითხრათ?

3- მოღალატურია ნებისმიერი განცხადება, რომელიც ქართული საჰაერო თავდაცვის ,,უუნარობის” შესახებ იქნება მიმართული, იმიტომ რომ ამ მებრძოლებმა იმ საბრძოლო არსენალის პირობებში შეუძლებელი შეძლეს და სანამ საზენიტოებს მუშაობა შეეძლოთ ღრუსი ოკუპანტები არ გაახარეს. 2008 წელს ქართველმა მეზენიტეებმა გრომებით (არც მეტი და არც ნაკლები) ჩამოაგდეს 10 რუსული სუ-25 მოიერიშე და დააზიანეს 4 ცალი სუ-24. ცილისწამებათა დამწერებმა ალბათ არ იციან, რომ 8 აგვისტო მსოფლიო ავიაციის ისტორიაში უპრეცენდენტო შემთხვევაა, როდესაც ქართველებმა ბუკ მ1 ტიპის მობილური საზენიტო სარაკეტო კომპლექსიდან გაშვებული მართვადი საზენიტო რაკეტით ქარელის რაიონში ჩამოაგდეს 50-60 მილიონის ღირებულების ТУ-22М3, რომლის ეკიპაჟიდან 2 დაიღუპა, 1 დაიკარგა, მაიორი მალკოვი კი ტყვედ ჩავარდა.

Continue reading

დატოვე კომენტარი

Filed under სხვადასხვა

რუსეთის მიერ გაწყვეტილი ქართული თაობები XX საუკუნეში

          1219636496_karikatura_saakashvili_osetia_russia_gruzia00000008-300x201

          საქართველოს არცერთ მტერზე გაგვაჩნია იმდენი მასალა, ინფორმაცია და ისტორიული გამოცდილება, რამდენიც რუსეთზე. მტერზე, რომელსაც ბრძოლის მეტად საინტერესო და დახვეწილი მეთოდები აქვს, რომელთაგან ერთ-ერთი ,,თაობათა გაწყვეტაა’’, ანუ- გაწყვიტე ნებისმიერი თაობა, რომელსაც დამოუკიდებლობის სურვილი აქვს, შემდეგ კი ,,დაყავი და იბატონე.’’ ყოველგვარი შელამაზების გარეშე ერთად გადავხედოთ მხოლოდ მეოცე საუკუნეს და გავიგოთ თუ როგორ გაწყვიტა დამოუკიდებელ საქართველოში საჯიშე თაობები რუსეთის პირსისხლიანმა იმპერიამ.

            1921 წლის თებერვალია, რუსული არმია დაიძრა საქართველოსკენ. ხელისუფლებამ თბილისის გამაგრება გადაწყვიტა. გენერალი ანდრონიკაშვილი კოჯრის მიდამოებშია, მას ჰყავს რეგულარული არმიის 4 პოლკი, გვარდიის 4 ათასეული და იუნკერთა სკოლის რაზმი. გენერალ მაზნიაშვილს სოღანლუღის და მიმდებარე პოზიციების დასაცავად ჰყავს 3 პოლკი, სასაზღვრო ათასეული, მეტყვიამფრქვევეთა ასეული და ორი საარტილერიო დივიზიონი. რაც შეეხება მარჯვენა ფრთას, აქ  გენერალი ჯიჯიხია დგას, რომელსაც ქვეითი ჯარის სამი ათასეული და ცხენოსანთა ესკადრონი ჰყავს. მიუხედავად მედგარი წინააღმდეგობისა, ამ მებრძოლთა უმრავლესობა რუსულ აგრესიას შეაკვდა.

  რუსული არმია საქართველოშია და იწყება ბრძოლა ჩვენი ქვეყნის დამოუკიდებლობისთვის, იწყება ბრძოლა აჯანყებისთვის. ეს სამზადისი უცნობი არ დარჩა საბჭოთა ხელისუფლებისთვის, შედეგად, 1923 წლის მაისში დააპატიმრეს და დახვრიტეს ქართული სამხედრო ინტელიგენციის მოწინავე მებძროლები, იხ ხალხი, რომლებზეც ჩვენი ქვეყნის მხედრული სული იდგა. ესენი იყვნენ- გენერლები: ანდრონიკაშვილი, წულუკიძე, კოტე აფხაზი; პოლკოვნიკები: მუსხელიშვილი, ხიმშიაშვილი, მაჭავარიანი, გულისაშვილი, ჩრდილელი; ოფიცრები: ყარალაშვილი, ბაგრატიონ-მუხრანელი; სახელმწიფო მოხელეები: ზანდუკელი, კერესელიძე, ჭიაბრიშვილი, ქუთათელაძე, კლიმიაშვილი.

Continue reading

დატოვე კომენტარი

Filed under სხვადასხვა

დავით აღმაშენებელი და მუსლიმი მიგრანტები საქართველოში

загружено

(მოკლე მიმოხილვა)

გასული საუკუნის მიწურულს მოპოვებული დამოუკიდებლობა, ჩვენი დროის უდავოდ უდიდესი მონაპოვარია, მაგრამ ორმაგად სამწუხაროა, რომ ამ განძთან ერთად შევითვისეთ ის ურა-პატრიოტიზმი, შოვინიზმი, ქსენოფობია და რასიზმი, რომლის შედეგებსაც დღესაც ვიმკით და რაც კარგად ვიხილეთ ახლახანს ჩატარებულ მარშზე თუ აღლუმზე. ორმაგად უფრო სამწუხაროა, როდესაც აბო თბილელის, შუშანიკის, ასურელი მამების და.ა.შ. ქვეყანა, მუსლიმი მიგრანტების წინააღმდეგ გამოდის, ამ ყველაფერს წინ ,,დავით აღმაშენებლის ხატი’’ და დიდგორის საქართველოს მოტივები ,,მოუძღვის,’’ ხოლო ეს ყველაფერი იმით ,,პრავდება’’ რომ არალეგალ მიგრანტებს ვებრძვით კაცოო…. ქართველი ლეგალებისა თუ არალეგალი მიგრანტების პატრონები ვამბობთ ამას….

მოკლედ ბევრი რომ არ გავაგრძელოთ, მოდით იმ ისტორიკოსებს გადავხედოთ, ვინც დავითის დროს ცხოვრობდა და მის მოღვაწეობას აღწერდა.  დავიწყოთ „თარიხ მაიაფარიკინის“   არაბი ავტორით- აჰმად იბნ იუსუფ იბნ ალი ალ-ფარიკით: ,,მას შემდეგ, რაც დავით აღმაშენებელმა თბილისი საქართველოს შემოუერთა, მაშინვე გასცა ბრძანება მუსლიმთა რელიგიის ხელშეუხებლობის შესახებ. უფრო მეტიც, გარკვეული პრივილეგიები მიანიჭა მათ. ასე მაგალითად… ქალაქის იმ ნაწილში, სადაც მუსლიმები ცხოვრობდნენ, არავის ჰყოლოდა ღორი და არავის დაეკლა იგი მათ შორის, მან (დავითმა) მოჭრა მათთვის მონეტა (ფული) ხალიფისა და სულტანის სახელით: და მისცა მათ უფლება აზანისა (ლოცვაზე მოწოდებისა) და თავისუფლად ლოცვისა. დაუდო მათ პირობა აგრეთვე, რომ არც ქართველი, არც ებრაელი და არც სომეხი არ შევიდოდა ისმაილის (მუსლიმების) აბანოში, და რომ პარასკევ დღეს მინბარიდან ილოცავდნენ ხალიფასა და სულტნისათვის და არა მისთვის (დავითისთვის). იგი კეთილად ეპყრობოდა მუსლიმანებს, მათ სარწმუნოებას, მეცნიერებას, ხალხსა და სუფიებს.’’

Continue reading

დატოვე კომენტარი

Filed under სხვადასხვა, Uncategorized

საქართველოს რუსეთთან დიალოგის მოკლე ისტორია

Matson

(ანუ- ჩვენ მზად ვართ წავიდეთ მოსკოვში?! )

          მაშინ როდესაც ქართველი პარლამენტარები მოსკოვში ჩადიან დიალოგისთვის, ჩვენი საზოგადოების ნაწილი უცხოელების საწინააღმდეგო  მარშს აწყობს,  მეორე ნაწილი რუსეთთან დიალოგის აუცილებლობაზე, ურთიერთობების დაბობაზე ხოლო საბოლოო ჯამში ყველა ესენი- ,,უბლოკო სტატუსზე’’ ერთიანდებიან, მოდით უბრალოდ თვალი გადავავლოთ საქართველო-რუსეთის ,,დიალოგის’’ ისტორიას.

            საუბარი დავიწყოთ 1561 წლით, როდესაც კახეთის მეფე ლევანმა მოსკოვში გააგზავნა წერილი დახმარების თაობაზე. 1562-1563 წლებში რუსეთის მეფე ივანე IV-მ უკვე ჯარი გამოაგზავნა, თავისი სიმამრის, ჩერქეზთა მთავრის, თემურყვას დასახმარებლად  ამ ჯარის მცირე ნაწილი ჩადგა კახეთის სანაპირო ციხეებში შამხალის მხრიდან თავდასხმების მოსგერიებლად, თუმცა მალევე უკან, დიდ რუსეთში დაბრუნდა.

     ამის შემდეგ ალექსანდრე II-ს ჯერია, რომელმაც რა არ იღონა ,,ერთმორწმუნე მეზობელთან,’’ გაიცვალა ელჩობა ორ სამეფოს შორის, 1587 წლის 28 სექტემბერს მეფემ თავისი შვილებითა და დარბაისლებით მოსკოვის მეფის ხელდებულობის ფიცი მიიღო, 1589 წელს რუსეთის მეფე თევდორემ გამოუგზავნა ,,წყალობის სიგელი,’’  რომ რუსეთის მეფე კახეთის სამეფოს თავის მფარველობაში იღებდა და კისრულობდა კახეთის დაცვას საგარეო მტრებისგან, მალევე გამოჩნდა შაჰ-აბას I, რომლისგან ისე დაიცვა საქართველომ რუსეთის დახმარებით თავი როგორც…

Continue reading

დატოვე კომენტარი

Filed under სხვადასხვა

განკაცების მოტივი

huan and univerce

Cur Deus Hom?

განკაცების მოტივი მღვდელი გიორგი ფლოროვსკი ,,მე ვარ ანი და ჰოე’’ (აპოკ. 1.8) I ქრისტიანები საკმაოდ ადრეული დროიდანვე საუბრობენ გამოხსნის შესახებ, შესაბამისად ჩვენი უფალი უპირველესად მხსნელად მოიხსენიება, რომელმაც გამოისყიდა ადამიანები ცოდვის ტყვეობისა და მონებისაგან. ადრექრისტიანულ ღვთისმეტყველებაში განკაცების უმნიშვნელოვანესი ფაქტი ხშირად განიხილებოდა გამოსყიდვის მნიშვნელობით. ქრისტეს პიროვნების მცდარი კონცეპტი, რომლის თაობაზეც ადრეული ხანის ეკლესიაში პაექრობდნენ, გაკრიტიკდა და ღიად უარყოფილ იქნა, რადგან იგი აზიანებდა ადამიანის გამოსყიდვის სინამდვილეს. გამოსყიდვის მართებულ მნიშვნელობას განიხილავდნენ როგორც ღმერთსა და ადამიანს შორის მჭიდრო კავშირის აღდგენას, შესაბამისად გაკეთდა დასკვნა, რომ თავად გამოსყიდვა ორივე მხარეს ეკუთვნოდა, ე.ი. თავიდან ერთად მოქმედებდა ღვთაებრიობა და ადამიანურობა, წინააღმდეგ შემთხვევაში მათ შორის გაწყვეტილი კავშირი თავისით ვეღარ აღდგებოდა. ეს იყო სწორედ იმ მთავარი არგუმენტების მიმართულება, რომელსაც ვხვდებით წმ. ათანასეს არიოზელებთან პაექრობისას, გრიგოლ ნაზიანზელის მიერ აპოლინარიზმის დაგმობისას და IV ს-ის სხვა ავტორებთან. ‘’რაც უერთდება ღმერთს ის გამოიხსნება’’, ამბობს წმ. გრიგოლ ნაზიანზელი’’1 ,

Continue reading

დატოვე კომენტარი

Filed under Uncategorized

მამებთან დაბრუნების სირთულე

Archbishop Athenagoras and Father Florovsky

,,მამებთან დაბრუნების’’ სირთულე

თარგმნა გურამ ლურსმანაშვილმა

მეოცე საუკუნეში აშკარად გამოცოცხლდა ქრისტიანული თეოლოგიის სამი მიმართულებაკათოლიკური, მართლმადიდებლური და პროტესტანტული, რაც უკან, ქრისტიანულ წყაროებაზე მიბრუნებასა და ახალი აღთქმის წერილთან უშუალო კავშირში გამოიხატა. რომის კათოლიკეებისათვის ახალი აღთქმის ავტორიტეტულ წყაროებზე მიბრუნების მიზანი 19301960 წწ. თვალნათლივ შეინიშნებოდა ბელგიელ, ფრანგ და გერმანელ თეოლოგებში, განსაკუთრებული გავლენა იგრძნობოდა ფრანგ დომინიკანელებსა და იეზუიტებს შორის La Saulchor (პარიზი) და Lyon Fourviere. მოძრაობის გამოცხადებაიყო მძლავრი მოწოდება ლიტურგიკული და ბიბლეისტიკური განახლებისთვის და კათოლიციზმში1 პატრისტიკული ,,გაახალგზარდავებისთვის.’’ პროტესტანტებისთვის პატრისტიკული წყაროებით დიალოგი წარმოადგენს რამდენიმე გავლენიანი თეოლოგის ნაღვაწს, ესენი არიან Karl Barth, Thomas F. Torrance, and Thomas C. Oden.2 ტერმინი- ,,რეფორმირებული კათოლიკობა’’ გამოხატავს პროტესტანტულ ,,თეოლოგიურ მგრძნობელობას’’ და შეგნებას, რომ უკანასკნელ ხანებში თეოლოგიას განსაკუთრებით ჭირდება ქრისტიანული წარსულის წყაროების ხელახალი შესწავლა და რომ საჭიროა განახლება.3 შესაბამისად, ამ პროტესტანტული მოძრობისათვის დამახასიათებელიაპატრისტიკული წყაროების კრიტიკული კითხვა, რამდენადაც იგი ნამდვილად ეყრდნობა რეფორმირებულ მართლმადიდებლურ დოგმატიკას.4 მამა გიორგი ფლოროვსკის განცხადებამ, რომ ეკლესიას ჭირდება ,,მიბრუნება მამებთან’’ და

Continue reading

დატოვე კომენტარი

Filed under Uncategorized