Monthly Archives: Feb 2019

გამოხმაურება რუსთაველი მიტროპოლიტ იოანეს ქადაგებაზე უკრაინის შესახებ

მიტროპოლიტი იოანე

რუსთაველმა მიტროპოლიტმა იოანემ (გამრეკელი), სულ ახლახანს განაცხადა, რომ უკრაინაში, რეგიონებს შორის მიმდინარეობს ომი და არა რუსეთ-უკრაინას შორის.[1] ეს მხოლოდ დასაწყისია,  2019 წლის 3 თებერვლის ქადაგებაში[2], მან ყოვლადგაუმართლებელი, აბსურდული, ცილისმწამებლური და სიცრუით გაჯერებული მონაცემების კასკადი შემოგვთავაზა. შევეცდებით დეტალურად განვიხილოთ იგი.

მეუფე იოანე ბრძანებს:  ‘’მითქმა-მოთქმა იმ ტომოსის გამო, რომელიც კონსტანტინოპოლის პატრიარქმა მისცა ს-ხ-იზმატურ დაჯგუფებას’’. დავიწყოთ იმით, რომ ეს არ ყოფილა არანაირი დაჯგუფება, პირიქით, კიევში შემდგარმა გამაერთიანებელმა კრებამ სრულიად გააერთიანა მიტროპოლიტ ფილარეტის იურისდიქციაშ მყოფი პირები, მიტროპოლიტ მაკარი მალეტიჩის იურისდიქციაში მყოფი პირები და უკრაინაში მოსკოვის საეგზარქოსოს მცირე ნაწილი (საუბარია 20 მილიონზე მეტ მართლმადიდებელზე). ამას დამატებული ისიც, რომ ამ გამაერთიანებელ კრებაში მონაწილეობდნენ კანადის უკრაინული ეკლესიის (კონსტანტინოპოლის საპატრიარქოს იურისდიქცია) და აშშ-სა და დანარჩენ ქვეყნებში განფენილი უკრაინული დიასპორული ეკლესიის წარმომადგენლები. ამასთანავე, მეუფეს გვსურს შევახსენოთ, რომ არც მიტროპოლიტ მაკარისა და არც მიტროპოლიტ ფილარეტის ეკლესიიდან განკვეთა არ უკავშირდებოდა მოძღვრებით საკითხებს და მათი სქიზმაში გადასვლა დიდწილად რუსეთის იმპერიალისტური მიდგომებისადმი პროტესტმა გამოიწვია,  შესაბამისად, უკრაინაშიც ისეთივე ‘’სქიზმატურ დაჯგუფებასთან ’’ გვაქვს საქმე, როგორიც  მაგ: საქართველოს ეკლესია იყო 1917-1943 წლებში. რატომ ვერ ბედავს მიტროპოლიტი იოანე და იგივე ლოგიკით არ (ვერ) უწოდებს დასახელებულ პერიოდის საქართველოს ეკლესიასაც სქიზმატურს. გავაგრძელოთ, ’კონსტანტინოპოლის უმაღლესი იერარქები დადიან ეკლესია-ეკლესია და რატო? როგორ გამოვიდეთ ამ ჩიხიდან.’’   ხვდებით, რომ საუბარი ეხება მიტროპოლიტ ემანუელისა და ამფილოქიოსის საქართველოში ვიზიტს. ახლა ვნახოთ თუ რა განცხადა მიტროპოლიტმა შიო მუჯირმა მსოფლიო საპატრიარქოს წარმომადგენლების ვიზიტის შესახებ: ,,ძალიან მნიშვნელოვანი შეხვედრა იყო. ჩვენ განვიხილეთ ბევრი დეტალი. რაც მთავარია, გამოიკვეთა მათი კორექტული პოზიცია ჩვენი ეკლესიის მიმართ, რომ ისინი არ ჩამოსულან იმისთვის, რათა დაგვარწმუნონ ჩვენ, მივიღოთ ესა თუ ის გადაწყვეტილება. ასევე, მნიშვნელოვანი ის არის, რომ ჩვენს აუჩქარებლობას ამ ეტაპზე, რა პოზიციაც გვაქვს, სრული გაგებით ეკიდებიან. ეს მიტროპოლიტმა საუბრისას რამდენჯერმე გაიმეორა და ეს მნიშვნელოვანია ჩვენთვის”.[3] შესაბამისად, საქართველოს ეკლესიის წმინდა სინოდის ორი წევრი, მეუფე შიო და მეუფე იოანე, ერთი კონკრეტული მოვლენის შესახებ გვთავაზობენ ორ და სრულიად განსხვავებულ ინფორმაციას და შეუძლებელია ორივე სიმართლე იყოს. ჩვენი ცნობით, სიმართლეს შეესაბამება მიტროპოლიტ შიო მუჯირის პოზიცია, შესაბამისად, ან მიტროპოლიტი იოანე გამრეკელი წარმოადგენს საპატრიარქოში გამართული შეხვედრის ჩანაწერს, სადაც დადასტურდება რომ მსოფლიო საპატრიარქოს წარმომადგენლები აღიარებენ ‘’ჩიხში შესვლას’’ და გვთხოვენ, რომ იქიდან გამოსვლაში დავეხმაროთ, ან დადასტურდება, რომ მის მიერ მოყვანილი ფაქტები უზუსტობაა და ცილისწამება.

Continue reading

Advertisements

Leave a comment

Filed under Uncategorized

როგორ მანიპულირებს რუსეთი საქართველოზე დიპტიქის თემით

download

თუნდაც მიტროპოლიტ ალფეევის ბოლო ინტერვიუც საკმარისია იმის დასტურად, თუ როგორ მანიპულირებს ჩვენზე რუსეთი დიპტიქით. საკითხი საკმაოდ ჩახლართულია, რასაც ხალხი უმეტესწილად ვერ იგებს და ამით კრემლი კარგად სარგებლობს. შევეცადოთ მარტივი ენით გადმოვცეთ ეს ყველაფერი. რუსეთი მართლა მეექვსე ადგილზე გვიხსენიებს და კონსტანტინოპოლი მართლა მეცხრეზე. რატომ?
კვანძი N1- მეცხრეზე იმიტომ კი არ გვიხსენიებს კონსტანტინოპოლი, რომ ეს ადგილი მოგვაკუთვნა, არამედ იმიტომ, რომ ვერ გაიგო ჩვენგან რას ვითხოვთ და სანამ გამაგებინებთ რა გსურთ და რაზე დაყრდნობით, საპატრიარქოების თანრიგში ბოლო იყავითო.
კვანძი N2- რატომ ვერ გავაგებინეთ? მოკლედ, კონსტანტიოპოლს ვუმტკიცებთ, რომ ვართ უძველესი ავტოკეფალია, უძველესი საპატრიარქოთი, რომელიც 1811 წელს რუსებმა გაგვიუქმეს, ამიტომ 1990 წლის ტომოსით უძველესი ავტოკეფალია უნდა გეცნოთ და ჩვენი უძველესივე საპატრიარქო სტატუსი და მეექვსე ადგილზე უნდა დაგვსვათო. კონსტანტინოპოლი გვეკითხება, დავუშვათ გაქვთ არგუმენტები უძველესი ავტოკეფალიისა და საპატრიარქოსი, თუ იგი რუსეთმა გაგიუქმათ, გამოდის რომ მეექვსე კი არა, მეხუთე ადგილი უნდა მოითხოვოთ, თუ არ ითხოვთ მე რაღა შუაში ვარო. არიან მართლები? ვაღიაროთ რომ არიან.
N3- რუსეთისთვის სავსებით მისაღებია ჩვენი მეექვსეობა, შესაბამისად თავის გავლენის ქვეშ მყოფ ორ ეკლესიას (სერბეთსა და ბულგარეთს) ნებისმიერ დროს მხარს დააჭერინებს ამ საკითხზე, ე.ი. გადაწევს უკან. მაგრამ აქაა რუმინეთის ეკლესია, რომელიც ამბობს, თქვენ თუ იმას ვერ ბედავთ, რეალურად აღიაროთ რომ რუსეთმა წაგართვათ მეხუთე ადგილი, მე რა ვალდებული ვარ ჩემი ადგილი დაგითმოთ და თქვენს გამო უკან გადავიწიოო. მართლებიც არიან.
N4- ყველაფერი მარტივი ჩანს, აბა ჩვენი პრობლემა სადაა?ვის არ სურს ამ საკითხზე ერთხელ და სამუდამოდ ნათელი მოეფინოს? რა თქმა უნდა რუსეთს და ამიტომაც ვართ გაურკვევლობაში. რატომ? ჩვენს ავტოკეფალიასთან დაკავშირებით არსებობს 3 მოსაზრება: A- ავტოკეფალია მეხუთე საუკუნეში მივიღეთ. B- ავტოკეფალია მეთერთმეტე საუკუნეში მივიღეთ. C- ავტოკეფალია არასდროს გვქონია, ვიყავით დამოუკიდებლები (განსხვავებაა მათში) და რეალური ავტოკეფალია მივიღეთ 1990 წელს, როდესაც კონსტანტინოპოლმა ჩვენ მიერ 1917 წელს გამოცხადებლი ავტოკეფალია აღიარა. ამ სამიდან არცერთი პოზიცია არ მოწონს რუსულ ”ძერჟავას”, ამიტომაც დღემდე ვერ გავიგეთ რა გვინდა, არც მოგვცემს უფლებას გავიგოთ სანამ მის გავლენისქვეშ ვართ. განვიხილოთ სათითაოდ თუ რატომ არ მოწონს:

Continue reading

Leave a comment

Filed under Uncategorized