Monthly Archives: May 2016

ვინ მიღებს მონაწილეობას წმიდა და დიდ კრებაში?

images

მსოფლიო საპატრიარქოს მთავარდიაკონი, დოქტორი იოანე ხრისავგისი და მსოფლიო საპატრიარქოს არქიმანდრიტი დოქტორი ნათანაელ სიმეონიდისი

სულთმოფენობის დღესასწაულზე, როდესაც ეკლესია აღნიშნავს მოციქულებზე სულიწმინდის გადმოსვლას, 500-ზე მეტი ადამიანი, ეპისკოპოსები, მღვდლები, ბერები, სასულიერო პირები, ქალბატონები და მამაკაცები,  მონაწილეობას მიიღებენ კუნძულ კრეტაზე მოწვეულ წმიდა და დიდ კრებაში. მონაწილე პირებს შორის იქნებიან 14 ავტოკეფალური ეკლესიის უმაღლესი იერარქები, 300-ზე მეტი ეპისკოპოსი, 100-ზე მეტი მრჩეველი, უამრავი დამსწრე და სტუდენტი. ბუნებრივია, რომ მსოფლიოს ყურადღება მიმართულია კუნძულ კრეტისკენ, რათა კრების პოზიციის გამომხატველ პირთაგან ან იქ მყოფი ჟურნალისტებისგან უსწრაფესად მიიღონ სიახლეები.

სულთმოფენობის დღესასწაულზე დაარსებული ერთი წმინდა კათოლიკე და სამოციქულო ეკლესია არის მართლმადიდებლური 14 ეკლესიის კავშირი. ესენია:

  • კონსტანტინოპოლი – რომლის ხელმძღვანელიცაა მსოფლიო პატრიარქი ბართლომეოსი, იგი არის მართლმადიდებელ ეკლესიის მეთაური, „პირველი თანასწორთა შორის“.
  • ალექსანდრია – ძლიერი მისიონერული ეკლესია, რომელიც წარმოადგენს აფრიკის მართლმადიდებელ ქვეყნებს (ცენტრით ეგვიპტეში).
  • ანტიოქია – ადგილი, სადაც ქრისტეს მიმდევრებს პირველად ეწოდათ ქრისტიანები.
  • იერუსალიმი – უძველესი ეკლესია, სადაც ახალი აღთქმის მიხედვით, მოციქულებმა მოიწვიეს პირველი კრება.
  • რუსეთი – დღეისათვის მართლმადიდებელი მოსახლეობის რაოდენობით უდიდესი ეკლესია.
  • სერბეთი, რუმინეთი, ბულგარეთი, საქართველო. (ჩამოთვლილთაგან გამორჩეულია საქართველოს ეკლესია, სადაც მეხუთე საუკუნემდე ფიქსირდება ქრისტიანული კერების კვალი).
  • კვიპროსი-სამოციქულო ეკლესია, რომელიც მეხუთე საუკუნეში დაარსდა როგორც ავტოკეფალური.
  • საბერძნეთი, პოლონეთი, ალბანეთი და ჩეხეთ-სლოვაკეთის მიწები. (უახლესი ავტოკეფალური ეკლესიები)

ყოვლადუწმიდესი მსოფლიო პატრიარქი ბართლომე:  „ჩვენ მხურვალედ შევთხოვთ ეკლესიის სიმრავლეს–სასულიერო დასს, კაცებსა და ქალებს, მოხუცებსა თუ ახალგაზრდებს, რათა ილოცონ ამ უნიკალური და ისტორიული მოვლენისათვის. ჩვენ განსაკუთრებით გთხოვთ ევედროთ უფალს, რომ გააძლიერეოს და შთააგონოს ეკლესიის მეთაურები, რათა განაცხადონ თავიანთი ერთობა უთანხმოებითა და გაყოფით დაზიანებული სამყაროს წინაშე. დაე აკურთხოს უფალმა წმიდა და დიდი კრება. დაე მისი უხვი მადლი იყოს თქვენთან.“

ხმის მიცემა და კონსენსუსი წმიდა და დიდ კრებაზე Continue reading

Leave a comment

Filed under ქრისტიანული თანამედროვე სიახლეები

პეტიცია, რათა შეიქმნას ქალ კონსულტანტთა სპეციალური დელეგაცია, დიდი და წმიდა კრებისთვის

JhduULEdUgBzNdt-800x450-noPad

სულთმოფენობის დღესასწაულის დროს, კუნძულ კრეტაზე გაიმართება საყოველთაო მართლმადიდებლური კრება, რომელშიც ხმის მიცემის უფლებით ისარგებლებენ 14 ავტოკეფალური ეკლესიის იერარქები. გარდა ამისა მათ ეყოლებათ კონსულტანტებისგან შემდგარი საკუთარი დელეგაციები, რომლებშიც გაწევრიანებულები იქნებიან სასულიერო პირები, ბერები და (ან) სამოქალაქო წარმომადგენლები, რომლებიც არ ისარგებლებენ ხმის მიცემის უფლებით, თუმცა ჩვენ არ ვართ დარწმუნებულნი, რომ რომელიმე მათგანი იქნება მდედრობითი სქესის წარმომადგენელი. შედეგად ვიღებთ იმას, რომ ქალებს, რომლებიც შეადგენენ მართლმადიდებლური მრევლის სულ მცირე 50%-ს, თეორიული შანსიც კი არ ექნებათ საკუთარი წვლილი შეიტანონ იმ კრებაში, რომლის კანონებიც იმოქმედებს ეკლესიის სხეულის მთელ სისავსეზე. Continue reading

Leave a comment

Filed under ქრისტიანული თანამედროვე სიახლეები

კონსტანტინოპოლის პატრიარქ ყოვლადუწმინდეს ბართლომეოს II-ის გზავნილი წმინდა და დიდი კრების თაობაზე

უფლის წყალობით, რომელმაც დააფუძნა და  საუკუნეების მანძილზე  განასულიერა ეკლესია,  რომელიც გზას უჩვენებს და აკავშირებს   ადგილობრივი და მსოფლიო კრებების მამებს, შევთანხმდით, რომ  წმინდა და დიდი კრება გაიმართება ამა წლის ივნისში, კუნძულ კრეტაზე. 14 ეკლესიის ყველა პატრიარქი, მაღალი იერარქებისგან შემდგარ დელეგაციებთან და მრჩევლებთან ერთად  შეიკრიბებიან, რათა სახარების შუქზე გამოხატონ ქრისტეს სხეულის მთლიანობა, როგორც მსოფლიოსადმი  სიწმინდისა და სიყვარულის გზავნილი.

ამ საყოველთაო მართლმადიდებლური კრების უმთავრესი მიზანი  არის იმის წარმოჩენა, რომ მართლმადიდებლური ეკლესია არის წმინდა საიდუმლოებებში და კაცთმოყვარე კანონებში გაერთიანებული  ერთი წმინდა კათოლიკე და სამოციქულო ეკლესია. Continue reading

Leave a comment

Filed under ქრისტიანული თანამედროვე სიახლეები